البوابةالرئيسيةاليوميةس .و .جبحـثالتسجيلدخول

شاطر | 
 

 من صفحات عائلة..!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرة الانمي
عضو نشط
عضو نشط
avatar

عدد الرسائل : 68
العمر : 21
نشاط العضو :
20 / 10020 / 100

كيف مزاجك اليوم؟؟؟؟ :
sms : رسمت بيتا صغيرا
اسميته احلا
في قلبي
ينااام
وازروه في
كل منام
يااحلمي
غني للايام
اطياف
ذكريات قد صارة
حكايات
تاتي تم تمضي

الدوله :
وسام التميز :
تاريخ التسجيل : 08/05/2008

مُساهمةموضوع: من صفحات عائلة..!!   الخميس يونيو 12, 2008 8:57 pm

بصراااااحة هذي أول مرة أنشر قصة من قصصي على احدى المنتديااات ،، و هذي التجربة فريدة من نووعها
بس حبيت أعرف آراائكم و باننتظااار انتقاادااتكم البناااءة على القصة..


قبل ما نبدأ في أحداث القصة لازم نعرف الشخصيات قبل حتى نربط الأحداث بالأشخاص خخخخخخ .
الشخصيات:
عائلة فيصل: فيصل 25 سنة ،أخته زينب 15 سنة ،عيسى أبو فيصل ،حورية أم فيصل ،عبد الله 20 سنة و مريم 11 سنة.
عائلة مروة: مروة 15 سنة ،محمد أبو مروة ،فوزية أم مروة ، فاطمة 12 سنة ، أحمد 10 سنوات.
عائلة بتول( بنت خالة فيصل):بتول 21 سنة ، أبو بتول ، أم بتول ، أخوها جعفر 17 سنة.
على فكرة ما خلصو الشخصيات بس جايين الباقي في أحداث القصة ،، يعني ما كتبنا الا المهمين عفر.
شكلي طولت علييييكم يا الله نبدي ....هجوووم....

كعادته في صبيحة كل يوم يهم بالنهوض من فراشه بكل عزيمة و نشاط يملؤه أمل في استقبال يوم جديد أفضل من سابقه ، متوجها من غرفته لأمه مداعبا اياها بكلماته و عباراته التي تمازجت فيها معاني الهزل و المزاح مع الجد ليهم بعد ذلك بالذهاب لعمله ، انه فيصل ذاك الشاب الطموح الذي و للتو قد أكمل السنة الخامسة و العشرين من عمره .
أول ما يوصل فيصل الشغل : قوة شبااااب
الشباااب في المكتب: هلا هلا و عليكم السلام
باسل: الا الوجه منور اليووم؟
فيصل: خخخخخ ،، و أنا متى وجهي ما كان منور؟؟ احم احم على طووول مبتسم ..
علي:اييه اييه منهو قده ،، بيسوونه مدير علينا و بيرفع الخشم ..
فيصل بتعجب: قووول و الله،،، بيسوووني مدير؟؟بدا يفلت شلخ عااااد
علي: و لويه أشلخ؟توه جااي رئييس الدائرة سأل عنك، ما كنت موجوود و قال لينا نبشرك
فيصل:ياااااااااا ربي بطييير من الفرح
باسل: لا تنسى الحلاوة عااد خووووك ، لو من ألحين اتكبرت على ربعك
فيصل:روووح ول زين ،، أنه للحين مو مصدق من الونااسة ،، بس و لا يهمك حتى لو شلخ بتوصلك الحلاوة
باسل: ما تقصر ،، صااير كريم هالأيااام ( باسل في قلبه بس ادفع ربيتين قلاص الجااي مال داك اليوم أحسن).


فيصل يفتح بااااب الشركة بقوة و يتوجه للبيت ... مسكين رااسه دااير من الفرحة ،، و تستقبله أمه : فرحنا ويااك يا فصوول؟الابتسااامة شااقة حلقك أزيد من اللزووووم
فيصل: بااركي ليي أماااه رقوووني و خلوووني مدير .. صرت مديير أمااه مدييير
أم فيصل:كلللووووووووش من هذا لعرسك ان شاء الله
فيصل:توه النااااس أي عرس رحم الله والديش
أم فيصل:يؤؤؤؤ ولدي ما تبيني أفرح فيييك و في شووفة أولادك؟!
فيصل:انزين انزين يصير خييير ،، عجل وييين زنووووب ،، ما رجعت من المدرسة؟! لازم أنا اللي أقوول ليها ،، جاان أحصل جلكسي منها خخخخخخخ .
أم فيصل: يا علي استجن ولدييي ،، اركد شوي الركاادة زينة

زينب ترجع من المدرسة بفوضتها كالعادة(زينب طالبة في أول ثانوي و شادة حيلها في الدراسة ما شاء الله عليها بس عيبها انها فوضوية و خالف تعرف لكن ببراءة).

زينب:هاااا فصووول أشوووفك مهرج على هالوجه؟؟ منهو مدلدغنك؟
فيصل: هذا جزااتي اللي أنطرش أبي أقوول ليش هالخبر
زينب : خبر ويييش؟ أكييييد أمي خطبت لك ،، ( و ما صدقت روووحها و على طوول كللوووووووووش)
فيصل:هرااارش ،، ما تفكر الا في العرس ،، الشغل سووني مدييير.
زينب : مبرووووك ،، أحسب صااير شي صدق ما عندك سالفة ،، صدق أحلامك على قدك
فيصل:طالع هذي ،، و أنا أقوول بتعطييني جلكسي اذا قلت ليها.
زينب: اذا سووك وزير العمل بشتري لك قووطية جوااهر بدل الجلكسي هههههههههههههه ،، الا وينه مريم ما أشووفها تبين؟
أم فيصل: على طاااري مريم ،، جت من المدرسة المريوول مشقووق و الكشة وااقفة و تصيييح و يوووم سألتها الا تقوول متهااوشة ويه حوراء بت جييرانا ،، مفشلتني هالبنية.
زينب: تدلع هالهبلة ،، خلها تولي ،، حطو الغدا بموووت من الجوووع.
أم فيصل: لا لا بننتظر أبوووش لي ما يرجع من الشغل و عبد الله في الطريق ألحين.
زينب :أوووف انزين بروووح أبدل عجل.
فيصل:أنا ما أبي غدا بروووح أنسدح و تالي دايريكيت على النت خخخخخخ


بيت مروة و الوقت من بعد الغدا بالتحديد....

فاطمة (أخت مروة):هييييي مروة وين قلمي الأزرق الحبر.؟؟.
مروة ( و هي مندمجة في سوالفها على المسن ويه شلتها مالت المدرسة): رووووحي ولي وش دراااني ،، مو متفرغة ليش ألحين.
فاطمة تسحب شعر مروة و مروة تصرآآآآآخ.
أحمد: و الله غربااال!!! الله ما بلشني الا بخواات مصرقعيين و لا وحدة فيهم عدلة.
مروة: جب انته ما بااقي الا الزعااطيط يتكلمووون بعد.
أحمد:كملي سواالفش قصدي هرااارش ويه خمتش ،،،، و هييييي انتين تعالي بعطييش بدل القلم قلمين...(مسكييين يسوي روووحه رجاااال هالنتفة).
فاطمة:أقلامك كلهم يلوعون الجبد بس ما علينا ما بكسر بخااطرك.

و بينما أحمد و فاطمة يطلعوون من حجرة مروة ،، مروة تطييح عيوونها على شااشة الكمبيوووتر و كأنه صاابين عليها مااي باااارد ،، بس ويش صاااير يا ترى؟؟؟!!!




مروة انصدمت انه جايتنها اضافة من شخص غريب ،، و كان وااضح انه صبي ،، اترددت في البدااية بس بعدييين قبلت الاضااافة..

الشخص الغريب يدخل على المسن و كااان أون...

مروة:السلام عليكم.
الشخص: و عليكم السلام.
مروة: ممكن أعرف من معاااي ؟؟( تتفلسف بعد هههههههههه )
الشخص:واااحد طااار عقله في كتااباااتش و روااايااتش.
مروة: عفوا؟
الشخص:مو مصدقة ،، هذي الحقيقة.
مروة :انزين ،، و الزبدة.
الشخص:الزبدة لو القشطة ههههههههههههههه
مروة: تنكت حضرتك ..... ( و اتصكه بلوووك).


في المدرسة الثانوية.......

زينب:قوووة فتيااااااااات
غديير: الله يقويييييش هههههههههه
زينب:عجل ويييين مروووه ،، ما تبين اليوووم؟
سارة: سرحاانة و تفكر كأنها هندي مو محصل معااشه ههههههههه
زينب: حراام مسكييينة بروووح أشووف وش فيها
زينب: ها مروة الا مبوزة اليوووم؟
مروة: ما فيني شي.
زينب: علينا هالسوالف؟
مروة: تبين الصراااحة ،، ضاايفني واااحد و حضرتي قبلت ،،و شكله سخييف حده و مايع
زينب : و بعدين؟
مروة: و بعديين ويش؟ ما أدري ويش أسوي صكييييته بلوووك
زينب : انزين الا مسن ويش بيصير يعني؟ شيلي البلوووك و مشي العزا يللا
مروة:صدق؟؟؟
زينب: ويش بيصييير يعني ؟؟؟؟ كل واااحد في واااادي ما بياااكلش هههههههه
مروة:انزين ويش ورااايي.


بيت بتوووول و على الغدا

أم بتول: من زماان ما رحنا بيت أختي حورية ،،، ها الا أشووفك سااكت ..؟
أبو بتول: لا سااكت و لا شي قووولي متى بتروووحين و بوديييش
بتول:اييي اييي أني بعد بجي ،، وحشتني زنبووووه و مريم أم لساااان طويييل.
أم بتول: جعيييفر مو نااوي تجي؟
جعفر: ويش أسوي أروووح؟ بيتهم كله بناات و أنا أستحي.
بتول:يا علي عيااار حده ،، قوول الا متهااوش ويه عبوود ولد خالتي و خااايف تقوول.
جعفر:جب انتين ما يدخلش في سوالف رجااال.
بتول: وييييلي ما نقدر على الرجاااال يا بطل.
أبو بتول: احترمو السفرة عااااد.


بيت أبو فيصل


زينب منسدحة تطالع التلفزيووون و رجاايلها يرووحوون يمين و يسااار ( مندمجة ويه المسلسل يا زعم مع انه مريم أختها مو مخليتنها في حالها رااايحة جاااية تدووس على أياااديها ههههههههههههههه).
فيصل كالعادة غرقاااان على النت و نااااسي روووحه( مقطع المنتديات السياسية مسكين كوفي عنان هههههه).

فجأة ينطق الجرس و مريم و زينب يتهاااوشووون على فتح البااااب ،،، بس مريم عضت زينب و هي اللي ركضت تفتح الباااااب ،، منهو على البااااب يا ترى؟؟؟


أكيييد تدرووون بيت الخالة "أم بتول" جاايين يزووروون بيت أختها "أم فيصل" ،، زينب تفز مكاااانها و تدخلهم داااخل و تهمس لبتووول :وينش يا القاااطعة؟
بتوول بدلع : بت خالتش كله بزي و ما عندها وقت.
زينب : ويييي عشتو أروووح أنااادي أمي أحسن.
زينب تنااادي امها بفوضتها كالعاااااادة و من الازعاااج فيصل يطلع برة حجرته يشوووف وش صاااير.
رااح فصوول يسلم على خالته و خصووصا انه من زمااان ما شاافها ،،، و ما صدق على الله يلقى احد يقوول له سالفة الترقية ( مسكيييين مصدق روووحه خخخخخخخخ ) و سيدا قالها للخالة.
الخالة:أوووه أوووه مبروووك تستاااهل كل خير.
فيصل: الله يبااارك في حياااتش خالتي.
بتوول تنزل رااسها مستحية و خصوووصا انها أول ما طلع فيصل من حجرته ما شالت عيوونها من عليييه (مسكييينة الأخت معجبة عفر ،، استحي على دمك يا بنت) و أول ما سمعت عن الترقية رااح بااالها بعيييد و صاااارت في عاااالم ثاااني.

فيصل يرجع حجرته ،، و الأم تطلع من بين المواااعين و الصاابووون حتى تسلم على بيت أختها.



بيت مروة:
أم مروة: قووومي اتعشي.
مروة: لا لا مو مشتهية.
فاطمة: مو مشتهية ؟ لو خاايفة نقعد على الكمبيوووتر عنش؟ ههههه اعترفييي هااا بسرعة
مروة:روووحي لا تعورييين رااسي ،، عليي اختبار كيييم أصلا باااجر و بدرس ليه من ألحين.
فاطمة:أوه أوه ما نقدر على الشطااار ،، من متى بعد؟
أم مروة: فطوووم جوووزي عن أختش و امشي اتعشي.
فاطمة: انزيين ماما أكو بجي .
أبو مروة: وين مروة عجل؟
الأم:عليها امتحااان عفر باااجر و قااعد ترااجع.
أبو مروة :الله يوفقها ان شاء الله.
فاطمة و أحمد في صوت واحد: و احنااااااااا؟
أبو مروة: و انتوووون بعد.

و بينما مروة ترااجع جا على باالها سالفة الايميل و الاضاافة و رااحت داايريكيت على المسن.
مروة تفتح مسنجرها و تلاقي الشخص أون . و تبدأ بالكلام و يتباادلوون الحوااار و مع مروور الوقت حست رووحها انها اتأقلمت ويااه و أياام صاار يوحشها اذا ما شرف على المسن .

جا يوووم و قررت اتفااتحه بالموضوووع و تسأله من وين له ايميلها ،،، حااااول يلف و يدووور بس فااااجأها انه شااف ايميلها في ركن الموهوبين في مجلة كااانت جاايبتنها أخته من المدرسة.
مروة : أختك يعني وياايي في نفس المدرسة؟
الشخص:اييييي.
مروة:ممكن أعرف اسمها ؟؟،،
الشخص: ويش بتستفييدين اذا عرفتين اسمها؟
مروة:يمكن اعرفها.
الشخص : وقت اللي بقوول لش بقوول لش من أختي
مروة :أوووكي على رااحتك.
الشخص: أووك أخلييش ألحين و اتحملي في رووحش زين مو كأنه باجر عليش كيم؟؟ هالله هالله في الكيم.
مروة:وش درااك عليي كيم ها؟ اعترف أحسن لك.
الشخص:أسرااار المهنة.ما نعلم ،،، يا الله باااي.

مروة مستغربة تقووم ترجع لكتااابها الكيم و المعادلات و الأكسجييين و الما أدري ويش و انتووون أدرى في هالسوالف ههههههههه..



بيت أبو بتول
بتول منسدحة على سريرها و تفكر في فيصل ( بس مسكينة حب من طرف واااحد ويش ينفع بس يمكن تضحك ليها الأيام عما قريب) و أموااج افكارها تتلاطم في شطآن عقلها و أفكاارها تودييها الشااام و ترمييها على البصرة ( ههههههههههههه شكلي أبالغ واااجد). و فجأة تحاول تنسي نفسها و ترغم نفسها على النوم خصووصا انه الوقت اتأخر و هي متعودة على القعدة من وقت ( البنية نشييطة).

بيت أبو فيصل:
زينب ترفس بااب حجرة عبد الله و تدخل بفوضها و تطلب الآلة الحاااسبة من عبد الله.
عبد الله: و من وين أجيب لك آلة؟
زينب: ماني ماني اتصرف مو شغلي.
عبد الله: يا الله روووحي اتدلعي على غيييييري .
زينب : اذا ما اتدلعت على أخوويي اتدلع على منهو؟
عبد الله: أظن انه عندش أخو غيري اسمه فيصل.
زينب:ايي صدق صدق برووح أقوول له يشتري وحدة ليي.
عبد الله:انزين نهووو طلعي و صكي البااااب وراااش.
زينب متوجهة لحجرة فيصل و تشووفها مريمووه الدفشة في الممر و تلصق فييها و ثنتيينهم هجوووم على حجرة فيصل.
طرآآآآآآآخ طرووووووووووخ طرييييييخ طرآآآآآآآآآآآآآآآآآآخ

فيصل: و علة بينكسر البااااب ،، دخلو.
مريم: ويش نسوي ؟ خوااتك مأدبين لازم نستأذن قبل.
فيصل: انزين ويش تبوون ألحين؟
زينب: بصرااحة أني عااطية آلتي الحاسبة هدى اللي ويااايي في صف و لا رجعتها ليي و أستحي أقوول ليها اترجعها .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد الرسائل : 338
العمر : 24
نشاط العضو :
30 / 10030 / 100

كيف مزاجك اليوم؟؟؟؟ :
sms :


My SMS
$post[field5]


الدوله :
وسام التميز :
تاريخ التسجيل : 20/03/2008

مُساهمةموضوع: رد: من صفحات عائلة..!!   الأحد يونيو 15, 2008 2:30 pm

يسلموووووووو حبيبتي على القصة انتي مبدعة في كتابة القصص
ننتظر جديدكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://a7lasabaya.yourme.net
 
من صفحات عائلة..!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ৣ¯ˉ”—ـ…‗_●♥أحلى صبايا♥●_‗…ـ—“ˉ¯ৣ  :: ترفيه وألعاب احلى صبايا :: القصص و الحكايات-
انتقل الى: